انڙ علي نواز
علي نواز انڙ
علي نواز انڙ : ڄام رئيس علي نواز خان انڙ نوجوانيءَ ۾ ئي مسلم ليگ ۾ شموليت ڪري سياست جي ميدان ۾ وک رکي ۽ آزاديءَ جي تحريڪ ۾ ڀرپور حصو ورتو. هو ارڙهن سالن جي عمر ۾ لاهور ۾ مسلم ليگ جي 1940ع واري تاريخي اجلاس ۾ شريڪ ٿيو، جنهن ۾ پاڪستان بابت ٺهراءُ بحال ٿيو. مسلم ليگ ۾ شموليت دوران مسلم ليگ نيشنل گارڊ، نواب شاهه جو سالار اعظم ۽ ضلعي نواب شاهه جو وائيس چيئرمئن به رهيو. 1958ع ۾ بنيادي جمهوريت جي نظام هيٺ پهريائين ميمبر ۽ پوءِ يونين ڪائونسل قاضي احمد جو چيئرمئن ٿيو. 1970ع واري جنرل اليڪشن ۾ آزاد اميدوار جي حيثيت سان صوبائي اسيمبليءَ جو ميمبر چونڊيو ويو، بعد ۾ هن پ پ پ ۾ شموليت اختيار ڪئي ۽ ضلعي رابطا ڪميٽيءَ جو چيئرمئن منتخب ٿيو. مختلف عهدن تي فائز هوندي ذاتي خرچ سان قاضي احمد شهر ۾ پنهنجا پلاٽ ڏئي، عوام جي سهولت لاءِ پرائمري، مڊل ۽ هاءِ اسڪول تعمير ڪرايائين ۽ شهر ۾ بجلي، ٽيليفون ۽ بئنڪ جهڙيون بنيادي سهولتون فراهم ڪرايائين. 1958ع ۾ شهر ۽ پسگردائيءَ جي ماڻهن جي علاج جي سهولت لاءِ پنهنجي زمين ڏيئي ’هيلٿ سينٽر‘ قائم ڪرايائين. 1970ع ۾ جانورن جي اسپتال لاءِ پنهنجي زمين ڏنائين ۽ حڪومت طرفان ’نور ماڊل وليج‘ قائم ڪرايائين. جنهن ۾ مسجد، مڊل اسڪول، اسپتال ۽ 25 گهر ٺهيا، قاضي احمد شهر جي خوبصورتيءَ لاءِ ’ڪميونٽي سينٽر‘ ۽ ڪتب خانو تعمير ڪرايائين. علي نواز انڙ سياحن ۽ شهر واسين جي سير تفريح لاءِ ’فش ليڪ‘ (مڇيءَ جو تلاءُ)، ميوزيم ۽ لکين رپين جي پنهنجي ذاتي خرچ سان وڏي ايراضيءَ ۾ ’ناز باغ‘ تيار ڪرايو، جيڪو سنڌ جو ’شالامار‘ جي نالي سان مشهور آهي. ان کان سواءِ هن باغ جي آخر ۾ هڪ وڏو ’سفاري پارڪ‘ ٺهرايو. رئيس علي نواز انڙ سماجي، سياسي ڪمن سان گڏ زراعت جي ميدان ۾ پڻ اڳڀرو رهيو هو. ملڪ جو ترقي پسند آبادگار هو، زرعي حوالي سان هن دنيا اندر ايندڙ تبديلين ۽ سڌارن کي پنهنجي زمين ۽ باغ تي لاڳو ڪيو. 1940ع کان جديد طريقن سان زراعت جي آباديءَ جو سلسلو شروع ڪرايائين. 1954ع ۾ وليج ايڊوائزري دور ۾ جيڪي علائقائي زرعي نمائشون ٿيون، تن ۾ ميوي، ڀاڄين ۽ ٻين زرعي جنسن جي نمائش ۾ رکيل چاليهن انعامن مان ٻٽيهه ’اول ڪپ‘ انعام حاصل ڪيائين. کيس سماجي خدمتن جي عيوض 1960ع ۾ ’تمغه قائداعظم‘ پڻ مليو. رئيس علي نواز 31 آگسٽ 2007ع تي وفات ڪئي.
لفظ علي نواز انڙھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
31.08.2007 عيسوي
رئيس علي نواز 31 آگسٽ 2007ع تي وفات ڪئي .
شخصيتون - ڀاڱي جون ٻِيون داخلائون
پيارو منگيقاضي واجد
ابوالحسن ڪبير سنڌي
جيرام چئنمل روپاڻي
سر عبدالرشيد جسٽس
طالب سميجو
عبدالرزاق کهڙو
سيد نظام الدين شاهه امروٽي مولانا
ڌاريجو منصور خان
ادريس راجپوت